Türkmenistanda ýaş hünärmenler üçin salgyt mukdary azalar
Okuwyny ýaňy-ýakynda gutaran ýaş hünärmenler Türkmenistanda işe alnandan soň ilkinji üç ýylda salgyt ýeňilliklerinden peýdalanarlar.
– Kanunçylyga bu üýtgetmäni girizmegi Milli Geňeşiň Halk Maslahatynyň Başlygy Gurbanguly Berdimuhamedow teklip etdi – diýip, resmi türkmen metbugaty ýazýar.
Bilim edarasyny tamamlap, işe başlan ýaş hünärmenler zähmet döwrüniň 1-nji ýylynda girdeji salgydynyň bellenilen kadasyndan 50%-ini tölärler, 2-nji we 3-nji ýylynda bolsa ýeňillik 25%-e deň bolar.
Degişli goşmaça bendi “Ýaşlar barada döwlet syýasaty hakynda” Türkmenistanyň Kanunynyň ýaşlara goldaw bermegiň anyk mehanizmlerine degişli bolan 35-nji maddasynyň 6-njy bendinden soň goşmak meýilleşdirilýär. Bu Kanun 2013-nji ýylda işlenip düzüldi we kabul edildi.
ORIENT news
