Aşgabatda Türkmenistan bilen EYR-nyň Owganystan boýunça ýörite wekilleriniň duşuşygy geçer
Türkmenistanyň Prezidenti Serdar Berdimuhamedow we Eýran Yslam Respublikasynyň Prezidenti Seýed Ebrahim Raisi çarşenbe güni Tähranda geçirilen gepleşiklerde Owganystanyň goňşy döwletleriniň ýurduň syýasy we ykdysady durnuklylygyna ýardam berýän hereketlerini ara alyp maslahatlaşdylar.
Türkmenistanyň lideri bu babatda Owganystany halkara energiýa, ulag we kommunikasiýa gatnaşyklaryna çekýän sebitleýin infrastruktura taslamalarynyň wajyp orun tutýandygyny belledi.
– Türkmenistan şular ýaly taslamalaryň birnäçesini eýýäm durmuşa geçirýär. Bu taslamalar diňe Owganystanyň däl, eýsem tutuş sebitiň geljegine maýa goýumydyr – diýip, Berdimuhamedow nygtady.
Owgan meseleleri boýunça işjeň özara gatnaşyklary dowam etdirmegiň çäklerinde Türkmenistanyň Prezidenti ýakyn wagtda iki döwletiň Owganystan boýunça ýörite wekilleriniň maslahatyny geçirmegi teklip etdi.
ORIENT news
