Türkmen wekiliýeti Eýran Yslam Respublikasynyň Nebit ministrliginde gepleşikleri geçirdi
Sişenbe güni türkmen wekiliýeti Eýranyň Nebit ministrliginde duşuşyk geçirdi. Duşuşykdan soň pudagyň başlygy Jawad Owji eýranly habarçylara gepleşikleriň mazmuny barada gürrüň berdi.
– Onuň aýtmagyna görä, duşuşykda alyş-çalyş usully ugradylýan gazyň iberilişini artdyrmak, türkmen gazyny Eýrana bermek baradaky şertnamany dikeltmek, şeýle-de eýran tarapynyň gaz karzy tölegi barada gürrüň edildi – diýip, eýran KHBS habar berýär.
Eýranyň Nebit ministri Türkmenistany nebit we gaz ýataklaryny özleşdirmekde, tehniki we inženerçilik hyzmatlary ulgamynda, nebithimiýa desgalarynyň gurluşygynda eýran kompaniýalarynyň mümkinçiliklerini göz öňünde tutmaga çagyrdy.
Owji gepleşikleriň ýene bir mowzugy hökmünde nebithimiýa önümleriniň we bu pudakda zerur bolan katalizatorlaryň üpjünçiligini belläp geçdi.
ORIENT news
