TDHÇMB-nyň söwdalary: Geçen hepde ECO-93 görnüşli benzin esasy satylan önüm boldy
Geçen hepde Türkmenistanyň Döwlet haryt-çig mal biržasynyň söwdalarynda umumy bahasy $134,7 million we 973,5 müň manatlyk geleşikleriň 18-si baglaşyldy diýip, ORIENT-iň habarçysy habar berýär.
Geçen hepde ECO-93 görnüşli awtoulag benzinine isleg has ýokary boldy, soňky söwdalaryň netijeleri boýunça onuň bahasy bir tonnasy üçin $1 028 ýetdi we aňyrky hepdedäki bahalar bilen deňeşdirilende 4,9% artdy.
2022-nji ýylyň iýun aýynyň başynda TDHÇMB auksionynda ECO-93 benziniň bahasy
Geçen hepde-de daşary ýurtly işewürler tebigy gazdan öndürilen türkmen benzininiň jemi 130 müň tonnasyny satyn aldylar. Geleşikleriň umumy bahasy $132,7 milliona deň boldy.
Şeýle hem geçen hepde bir tonnasy üçin $496 baha boýunça suwuklandyrylan gazyň 3 müň tonnasyny satyn almaga geleşik baglaşyldy. Suwuklandyrylan tebigy gazyň bahasy aňyrky hepdedäki bilen deňeşdirilende 4% artdy, bu önüm boýunça geleşigiň umumy bahsy bolsa $1,4 milliondan gowrak boldy. Söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
Şol bir wagtyň özünde-de, şu tmex.gov.tm salgydan biržadaky harytlaryň satuwynyň dowamy bilen hem-de gönüden-göni öndürijiler bilen habarlaşyp bilersiňiz. Şeýle-de biržadaky söwdalaryň satuwy barada bildiriş çap etmek hem mümkin.
ORIENT news
