TDHÇMB-niň söwadalary: hepdede suwuklandyrylan gazyň we dizel ýangyjynyň bahalary ýokarlandy
Geçen hepde Türkmenistanyň Döwlet haryt-çig mal biržasynyň söwdalarynda umumy bahasy $83 million we 15 million manatlyk geleşikleriň 30-sy baglaşyldy diýip, habar ORIENT-iň habarçysy habar berýär.
Hepdäniň dowamynda biržanyň esasy harytlarynyň bahalary artdy. Dellallar suwuklandyrylan tebigy gazy bir tonnasy üçin $476,60 bahalandyrdylar, bu bolsa aňyrky hedpäniň söwdalaryndaky baha bilen deňeşdirilende, 2,4% gymmatdyr.
Suw bilen arassalanan dizel ýangyjynyň bir tonnasynyň bahasy $1 185,75 ýetdi, bu bolsa 2,2% ýokarydyr.
TS-1 awiakerosininiň bahasy soňky söwdalar bilen deňeşdirilende, 9,7% pese düşdi we $1 056,25 barabar boldy.
TDHÇMB-niň söwadalarynda daşary ýurtlara jemi suwuklandyrylan tebigy gazyň 800 tonnasyny, TS-1 awiasiýa kerosininiň 9,5 müň tonnasyny we suw bilen arassalanan dizel ýangyjynyň 20 müň tonnasyny ibermäge geleşikler baglaşyldy.
Şeýle hem söwdalarda ECO 93 görnüşli ($979,50) awtoulag benzini, jemlenen nebit koksy ($667) we ýakylan nebit koksy ($828) ýerlenildi.
Türkmenistanyň Döwlet haryt-çig mal biržasynyň söwdalaryna şu gün (6-njy iýunda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
