Türkmen babadaýhanlary galla oragyna girişdiler
Anna güni Türkmenistanda köpçülikleýin bugdaý oragy başlandy. Ýygym möwsümi ýurduň bäş welaýatynyň üçüsinde – Ahal, Lebap we Mary welaýatlarynda badalga aldy. Bir hepdeden, 10-njy iýunda günbatar we demirgazyk sebitimiz – Balkan we Daşoguz welaýatlarynda oraga girişiler.
Babadaýhanlaryň öňünde 1,4 million tonna däne ýygnap almak wezipesi durýar. Bugdaý ýetişdirilen meýdanlaryň iň uly möçberlisi Ahal welaýatyndadyr, onuň yzýanyndan Mary we Lebap, Daşoguz welaýatlarynyň ekin meýdanlary durýar, güýzlük bugdaý üçin bölünip berlen ekerançylyk meýdanlarynyň iň az möçberlisi – deňizýaka sebiti Balkan welaýatydyr. Ýurdumyz boýunça bugdaý ekilen ýerleriň umymy meýdany 690 müň gektara deňdir.
Orak möwsümine 2 müň 64 kombaýn taýýarlanyldy, şolar meýdanlarda gije-gündiz işlediler. Abatlaýyş-tehniki toparlar sarp ediş serişdeleri, ýangyç-çalgy ýaglary we ätiýaçlyk şaýlary bilen üpjün edildi, orak möwsüminiň üzsnüksiz alnyp barylmagy şol toparlara baglydyr. Hasylyň daşalmagyny ýük ulaglarynyň 9,8 müňüsi, onuň kabul edilmegini bolsa elewatorlaryň 154-si amala aşyrar.
Ekerançylar bilen hasaplaşyklar «Daýhanbankyň» ýerlerdäki şahamçalarynda alnyp barlar.
ORIENT news
