TDHÇMB-niň söwadalary: ECO-93 görnüşli awtoulag benzininiň 30 müň tonnasyny ibermäge geleşikler baglaşyldy
Çarşenbe güni, 1-nji iýunda Türkmenistanyň Döwlet haryt-çig mal biržasynyň söwdalarynda umumy bahasy $45,6 million we 95,8 million manat bolan geleşikleriň 14-si baglaşyldy diýip, ORIENT-iň habarçysy habar berýär.
BAE-niň, Türkiýäniň we Owganystanyň işewürleri ECO-93 görnüşli awtoulag benzininiň jemi 30 müň tonnasyny atyn aldylar.Onuň bir tonnasynyň bahasy $979,50 boldy. Geleşikleriň umumy bahasy $29,3 million barabar boldy.
BAE-niň wekili $3,3 million (tonnasy üçin $677) jemlenen nebit koksunyň 5 müň tonnasyny satyn aldy. Türkiýeli telekeçi $1,2 million (tonnasy üçin $828) ýakylan nebit kosunyň 1,5 müň tonnasyny almaga geleşik baglaşdy.
BAE-niň telekeçisi $11,5 million (tonnasynyň bahasy $1 159,50) suw bilen arassalanan dizel ýangyjynyň 10 müň tonnasyny satyn aldy.
Içerki bazarda ýerli işewürler 38,5 million manatlyk pagta lintiniň 27,5 müň tonnasyny hem-de 57,3 million manada inçe süýümli pagtanyň 11 müň tonnasyny satyn aldylar. Şeýle hem alyjylaryň biri 70,4 million manada elde dokalan halylaryň dürli görnüşlerini satyn aldy.
Türkmenistanyň Döwlet haryt-çig mal biržasynyň söwdalaryna şu gün (2-nji iýunda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
