TDHÇMB-niň söwadalary: Gyrgyzystan we Hindistan nah ýüplük satyn aldy
Duşenbe güni, 30-njy maýda Türkmenistanyň Döwlet haryt-çig mal biržasynyň söwdalarynda umumy bahasy $1,5 million we 3,9 million manat bolan geleşikleriň 3-si baglaşyldy diýip, ORIENT-iň habarçysy habar berýär.
Gyrgyzystanyň we Hindistanyň işewürleri Dokma senagaty ministrliginiň kärhanalarynda öndürilen umumy bahasy $1,5 million dürli görnüşli nah ýüplükleriň 512 müň tonnasyny satyn aldylar.
Içerki bazarda ýerli telekeçi 3,9 million manatlyk nah ýüplügiň 88 müň kilogramyny satyn aldy.
Türkmenistanyň Döwlet haryt-çig mal biržasynyň söwdalaryna şu gün (31-nji maýda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
