TDHÇMB-nyň söwdalary: hepdäniň dowamynda karbamid we dokma önümleri bilen baglanyşykly $90 millionlyk geleşikler baglaşyldy
Geçen hepdede Türkmenistanyň Döwlet haryt-çig mal biržasynda umumy bahasy $90,9 million we 1.5 million manat bolan geleşikleriň 9-sy baglaşyldy diýip, ORIENT-iň habarçysy habar berýär.
Iň iri geleşik BAE-ne “B” görnüşli (bir tonnasy üçin $357,50) karbamidi ibermäge baglaşyldy. Şol ýere umumy bahasy $89,3 million bu önümiň 250 müň tonnasy iberiler.
Rus işewürleri TDHÇMB-da $350 müň gowrak tüýjümek önümleri satyn aldylar. Gyrgyzystan hem-de BAE $663,3 million towly nah ýüplügi satyn aldylar.
Söwdalara çykarylan harytlar baradaky maglumatlary Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär
Şol bir wagtyň özünde hem, şu tmex.gov.tm salgydan biržadaky harytlaryň satuwynyň dowamy bilen hem-de gönüden-göni öndürijiler bilen habarlaşyp bilersiňiz. Şeýle-de biržadaky söwdalaryň satuwy barada bildiriş çap etmek hem mümkin.
ORIENT news
