TDHÇMB-niň söwadalary: Russiýa $350 müňden gowrak tüýjümek önümleri satyn aldy
Penşenbe güni, 26-njy maýda Türkmenistanyň Döwlet haryt-çig mal biržasynyň söwdalarynda Russiýanyň wekili tekiz reňklenen we žakkard tüýjümek önümleriniň 66 müň kilogramdan gowragyny satyn aldy diýip, ORIENT-iň habarçysy habar berýär.
Geleşigiň umumy bahasy $364,3 müň deň boldy. Söwdalaryň dowamynda Türkmenistanyň Dokma senagaty ministrliginiň kärhanasynda öndürilen önümleriň bir kilogramynyň nyrhynyň $5,50 möçberi barada ylalaşyk gazanyldy.
Türkmenistanyň Döwlet haryt-çig mal biržasynyň söwdalaryna şu gün (27-nji maýda) çykarylýan harytlar baradaky maglumatlar bilen biržanyň şu salgy boýunça saýtyndan tanşyp bolar.
Oba hojalygy, senagat we kommunikasiýa, şeýle hem söwda toplumyna degişli ugurlar boýunça söwdalar duşenbe gününden-anna güni aralygynda 16:00-da, şenbe güni 11:30-da başlanýar. Nebit-gaz ugry boýunça birža söwdalary duşenbe gününden-anna güni aralygynda 16:30-da, şenbe güni 12:00-da geçirilýär.
Şunuň bilen bir wagtda, saýtda tmex.gov.tm döredilen degişli hyzmatlar arkaly göniden-göni öndürijiler bilen habarlaşyp, birža harytlarynyň söwdasynyň dowamy bilen tanşyp bolar. Şeýle hem birža harytlaryny satmak baradaky bildirişleri ýerleşdirmek mümkinçiligi elýeterlidir.
ORIENT news
