Maliýe ministrligi Türkmenistanyň 2023-nji ýyl üçin Döwlet býujetiniň taslamasyny taýýarlamaga girişdi

Maý 27, 2022 | 03:56 |9726

Türkmenistanyň Prezidenti Serdar Berdimuhamedow Maliýe ministrligini 2023-nji ýyl üçin Döwlet býujetiniň, ýurdumyzy durmuş-ykdysady taýdan ösdürmegiň esasy ugurlarynyň we maýa goýum maksatnamasynyň taslamalaryny taýýarlamaga borçly edýän karara gol çekdi diýip, şu gün resmi türkmen metbugaty ýazýar.

Maliýe ministrligi zerur bolan taslamalry düzmek üçin hasaplama görnüşlerini we usulyýet görkezmelerini ministrliklere, pudaklaýyn dolandyryş edaralaryna, welaýatlaryň we Aşgabat şäheriniň häkimliklerine 2022-nji ýylyň 1-nji iýunyna çenli ibermäge borçludyr.

Ýurdumyzyň esasy maliýe meýilnamalarynyň taslamalary Maliýe ministrligi tarapyndan 2022-nji ýylyň 1-nji noýabryna çenli taýýarlanylmalydyr we Ministrler Kabinetine berilmelidir.

ORIENT news