Aşgabatdaky EweÇSGYKM-ne çagalary bejermek üçin Haýyr-sahawat gaznasyndan $400 müň dollar bölünip berler
Aşgabatdaky Enäniň we çaganyň saglygnyy goraýyş ylmy we kliniki merkezine Howandarlyga mätäç çagalara kömek bermegiň haýyr-sahawat gaznasyndan çagalary bejermäge $400 müň bölünip berler.
Bu barada çarşenbe güni Türkmenistanyň mejlisiniň ýokary palatasynyň Başlygy Gurbanguly Berdimuhamedow bu lukmançylyk edarasyna sapary wagtynda aýtdy.
Saparyň dowamynda häzirki wagtda ýurdumyzda ýürek operasiýasyna mätäç 220 çaganyň bardygy bellenildi. EweÇSGYKM-iň enjamlary, minimal inwaziw endowaskulýar interwensiýalar bilen birlikde, çylşyrymly amallary geçirmäge mümkinçilik berýär.
Gurbanguly Berdimuhamedow daýanç-hereket ediş kesellerini bejeriş bölümine hem baryp gördi. Häzirki wagta çenli Türkmenistanda 100 çaga bu ugurda lukmançylyk kömegine mätäç.
Şol ýerde Saglygy goraýyş we lukmançylyk senagaty ministrliginiň ýolbaşçysy Nurmuhammed Amannepesow Milli Geňeşiň Başlygyna Arçman şypahanasynda 400 orunlyk goşmaça binany gurmak baradaky teklibi hödürledi hem-de demirgazyk sebitiň dolandyryş merkezinde - Daşoguz şäherinde 450 orunlyk köpugurly hassahananyň we 150 orunlyk onkologiki hassahanasynyň açylmaga taýýardygy barada hasabat berdi.
Şeýle hem, ýurdumyzyň «Awaza” syýahatçylyk zolagynyň we beýleki saglygy dikeldiş edaralarynyň tomus möwsümine doly taýýarlanylandygy habar berildi, şol ýerlerde ýokanç kesellere garşy çäreleri üpjün etmek üçin ýörite toparlar döredildi.
ORIENT news
