Türkmen lukmanlarynyň täze topary hünär derejeleriniň ýokarlandyrylmagy üçin Germaniýa ugradylar

Maý 19, 2022 | 18:08 |11247

Germaniýanyň «Tejribeli hünärmenler gullugy» bilen hyzmatdaşlygyň çäklerinde hünär derejelerini ýokarlandyrmak üçin dürli hünär ugurly türkmen lukmanlarynyň 150-sini GFR-niň öňdebaryjy klinikalaryna iş saparyna ugratmak göz öňünde tutuldy.

Bular barada çarşenbe güni saglygy goraýyş we derman senagaty ministri Nurmuhammet Amannepesow Halk Maslahatynyň Başlygy Gurbanguly Berdimuhamedowa Aşgabadyň Enäniň we çaganyň saglygyny goraýyş Ylmy-kliniki merkezinde bolmagynyň barşynda hasabat berdi.

Milli parlamentiň ýokary palatasynyň ýolbaşçysy ministriň teklibini makullap, saglygy goraýyş ulgamynda türkmen-german hyzmatdaşlygyny öňe ilerletmek boýunça teklibi Türkmenistanyň Prezidentine habar berjekdigini aýtdy.

ORIENT news