Howanyň üýtgemegine garşy göreş: Türkmenistanyň nobatdaky goşandy
Türkmenistanyň hökümeti tarapyndan Milli derejede kesgitlenen goşandynyň (MDKG) täzelenen görnüşi tassyklandy.
Türkmenistanyň Milli derejede kesgitlenen goşandy (MDKG) 2015-nji ýylyň 12-nji dekabrynda 196 sany ýurduň gol çeken we 2016-njy ýylyň 4-nji noýabrynda güýje giren Pariž ylalaşygy boýunça borçnamalaryna laýyklykda, ýurduň bughana gazlarynyň zyňyndylaryny azaltmak babatdaky maksadyny (niýetini) görkezýär.
BMG-niň Howanyň üýtgemegi barada Çarçuwaly konwensiýasynyň Sekretariatyna iberilmeli (hödürlenmeli) MDKG howanyň üýtgemegine garşy göreş boýunça dünýä tagallalaryny goldaýar.
BMG-niň Ösüş Maksatnamasy bilen ýakyn hyzmatdaşlykda taýýarlanan bu resminama howanyň üýtgemeginiň netijelerini (täsirlerini) gowşatmak boýunça hereketleriň bütindünýa ortaça temperaturasynyň ýokarlanmagynyň senagat önümçiliginden öňki dereje bilen deňeşdireniňde, 20С-dan has pes derejede uzakmöhletleýin maksatly saklamaga gönükdirilen meýilnamasy bolup durýar. Şeýle-de, Pariž ylalaşygynyň çäklerinde ösüşi 1,50С-a çenli çäklendirmek boýunça tagallalar ediler.
Türkmenistan 2030-njy ýyla çenli energetika, ulag, oba hojalygy, senagat we önüm ulanmak, galyndylary gaýtadan işlemek ýaly ugurlarda (ulgamlarda) bughana gazlarynyň zyňyndylaryny azaltmagy meýilleşdirýär (maksat edinýär).
Türkmenistanyň ilkinji Milli derejede kesgitlenen goşandy (MDKG) BMG-niň Howanyň üýtgemegi barada Çarçuwaly konwensiýasynyň Sekretariatyna 2016-njy ýylyň oktýabrynda hödürlenipdi. Türkmenistan BMG-niň Howanyň üýtgemegi baradaky çarçuwaly konwensiýasyna 1995-nji ýylda we Pariž ylalaşygyna 2016-njy ýylda goşuldy, ol howanyň üýtgemegine garşy halkara göreşe işjeň gatnaşýar.
ORIENT news
