TDHÇMB-da söwdalar: STG we tüýjümek önümleri satyn almaga geleşikler baglaşyldy
Şenbe güni, 14-nji maýda, Türkmenistanyň Döwlet haryt-çig mal biržasynda suwuklandyrylan gazy we boýalan tüýjümek önümleri satyn almak üçin daşary söwda geleşikleri baglaşyldy diýip, ORIENT-iň habarçysy habar berýär.
Owganystandan gelen telekeçiler türkmen STG-y üçin $ 471 teklip etdi, netijede onuň biržadaky bahasy öňki söwdalar bilen deňeşdirilende, 9,4% peseldi. Ylalaşygyň çäklerinde $ 2,3 million suwuklandyrylan gazyň 5 müň tonnasy satyn alyndy.
Gyrgyzystandan gelen telekeçiler söwdalarda $ 154 müň dürli ölçegdäki boýalan aram öwüşginli tüýjümek önümleri satyn aldylar.
Duşenbe güni (16-njy maýda) söwdalara çykarylýan harytlar baradaky maglumatlar bilen Türkmenistanyň Döwlet haryt-çig mal biržasynyň şu salgydaky saýtynda tanşyp bolar.
Oba hojalygy, senagat we kommunikasiýa, şeýle hem söwda toplumy boýunça söwdalar duşenbe gününden - anna güni aralygynda 16:00-da, şenbe güni 11:30-da başlanýar. Nebitgaz toplumy boýunça birža söwdalary duşenbe gününden - anna güni aralygynda 16:30-da, şenbe güni 12:00-da geçirilýär.
ORIENT news
