Türkmenistanyň Kazandaky Baş konsullygy daşary ýurt pasportlaryny uzaltmak üçin resminamalary kabul edýär
Türkmensiatnyň Prezidentiniň kararlaryna laýyklykda, 2020-nji ýylyň 1-nji ýanwaryndan 2024-nji ýylyň 30-njy dekabry aralykdaky döwürde hereket ediş möhleti tamamlanan ýa-da tamamlanýan daşary ýurt pasportlarynyň türkmen raýatlary üçin hereket ediş möhleti 2024-nji ýylyň 31-nji dekabryna çenli uzaldylýar.
Türkmenistanyň Russiýa Federasiýasynyň Kazan şäherindäki Baş konsullygy pasportlarda degişli bellikleri goýup başlady.
Daşary ýurt pasportlarynyň hereket ediş möhletiniň uzaldylýandygy barada bellikleri almak üçin Türkmenistanyň raýatlaryna Baş konsullygyň elektron poçtasynyň salgysyna tkm.genconsul.kazan@gmail.com resminamalary ugratmak zerurdyr. Şol resminamalaryň sanawy bilen diýen saýtda tanşyp bolar.
Hemme zurur resminamalar alnandan soň, Baş konsullyk raýatlaryň elektron poçtasyna pasportda bellik almagyň wagty baradaky habary ugradýar. Ýanyňda daşary ýurt pasportynyň asyl nusgasynyň we göçürmesiniň, çap edilen arzanyň, anketanyň hem-de 3x4 ölçegli bir fotosuratyň bolmagy zerurdyr.
Türkmenistanyň raýatynyň daşary ýurt pasportyny uzaltmak boýunça hyzmat muzdsuz (tölegsiz) amala aşyrylýar.
ORIENT news
