Türkmenistanyň EYR-daky ilçisi Yspyhanda surat festiwalyna gatnaşdy
Türkmenistanyň Eýran Yslam Respublikasyndaky Adatdan daşary we Doly ygtyýarly ilçisi Ahmet Gurbanow Yspyhan welaýatynda geçirilen Halkara surat festiwalynyň ýeňijilerini we baýrak eýelerini sylaglamagyň jemleýji dabarasyna gatnaşdy.
Festiwala dünýäniň 20-den gowrak ýurdundan suratkeşleriň 2500-e golaýy gatnaşdylar. Türkmen ýaşlarynyň wekilleri hem – Türkmenistanyň umumy bilim berýän mekdepleriniň okuwçylary medeni forumyň baýrak eýeleri bolmagy başardylar. Ýeňijilere baýraklary ýokary wezipeli myhmanlar – Yspyhanyň häkimi we Eýranyň daşary işler ministriniň geňeşçisi gowşurdylar.
Sylaglary gowşurmak dabarasy tamamlanandan soň, türkmen ilçisi Yspyhan welaýatynyň ýolbaşçysy hem-de EYR-niň daşary syýasat edarasynyň ýolbaşçysynyň geňeşçisi bilen ikitaraplaýyn hyzmatdaşlygyň meselelerini ara alyp maslahatlaşdy.
ORIENT news
