Türkmenistanyň ilçisi Katar Döwletiniň Haýyr-sahawat we yslam işleri boýunça ministri bilen duşuşdy
2-nji noýabrda Ilçi Myratgeldi Seýitmämmedowyň Katar Döwletiniň Haýyr-sahawat we yslam işleri boýunça ministri Ghanem bin Shaheen bin Ghanem Al Ghanim bilen duşuşygy geçirildi.
Duşuşygyň barşynda Ilçi 2026-njy ýylyň «Garaşsyz, baky Bitarap Türkmenistan - bedew batly at-myradyň mekany» ýyly diýlip yglan edilmegi we Türkmen halkynyň gadymy taryhy, däp-dessurlary, baý medeniýeti we çuňňur ruhy gymmatlyklary bilen tanalýandygy, Türkmen halkynyň asyrlaryň dowamynda parahatçylyk, ynsanperwerlik, sabyrlylyk, adalatlylyk we özara hormat goýmak ýaly ýörelgelerini sarpalap gelendigi barada belledi.
Şeýle hem Türkmenistan bilen Katar Döwletiniň arasyndaky özara hormat goýmak, ynanyşmak, deňhukuklylyk we özara bähbitlilik ýörelgelerine esaslanýan dostlukly gatnaşyklaryň syýasy - diplomatik, ykdysady, söwda, medeni-ynsanperwer we beýleki ugurlarda yzygiderli ösdürilýändigi bellenildi.
Mundan başgada iki ýurduň arasynda alynyp barylýan ylym we bilim, medeni-ynsanperwer ulgamyndaky hyzmatdaşlygy ösdürmegiň mümkinçiliklerine garaldy.
ORIENT
