Aşgabatda suratkeş Allamyrat Muhammedowyň ýubileý sergisi açylar
6-njy noýabrda Aşgabatda türkmen suratkeşi Allamyrat Muhammedowyň 75 ýaşynyň dolmagy mynasybetli «Mukaddes pata» atly ýubileý sergisiniň resmi açylyş dabarasy geçiriler. Sergide suratkeşiň döredijilik ýoly giňişleýin görkeziler. Onda taryhy we filosofik keşpler, milli medeni miras, saz äheňleri hem-de häzirki zaman çeperçilik dili bitewi bir giňişlikde jemlener.
Taslama sergä gelýänlere Allamyrat Muhammedowyň çeperçilik garaýşy we medeni däpleriň häzirki zaman sungaty bilen arabaglanyşygyny şöhlelendirýän döredijiliginiň aýratynlyklary bilen tanyşmaga mümkinçilik berer.
Sergi Aşgabadyň Asudalyk köçesiniň 33-nji jaýynda ýerleşýän sergi zalynda guralar. Açylyş dabarasy sagat 16:00-da başlanar. Sergi 2026-njy ýylyň noýabr aýynyň ahyryna çenli tomaşaçylar üçin açyk bolar.
