Aşgabatda halkara tehnologiýalar we täze hyzmatdaşlyklar
Türkmenistanyň Söwda-senagat edarasynda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergi we ylmy maslahat dowam edýär. Forum halkara kompaniýalarynyň, ylmy jemgyýetçiligiň we bilim edaralarynyň wekillerini bir ýere jemledi.
Saglygy goraýyş ulgamyna degişli tehnologik çözgütleri hödürleýän “Siemens” ýaly iri halkara kompaniýalarynyň, Türkiýäniň gurluşyk kompaniýasy “GAP İnşaat”-yň, şeýle hem lukmançylyk enjamlaryny we derman önümlerini getirmek boýunça ýöriteleşen türkmen kompaniýasy “Ak Hümmet”-iň gatnaşmagy serginiň pudaklaýyn geriminiň giňdigini görkezýär. Şeýle hem bu ýagdaý serginiň döwrebap tehnologiýalary ilerletmekde, lukmançylyk infrastrukturasyny ösdürmekde we halkara tehnologik hyzmatdaşlygy giňeltmekde möhüm orny eýeleýändigini nygtaýar.
Serginiň ekspozisiýasy bilen tanyşýanlar bilim we sport ulgamlaryndaky döwrebap çözgütler barada hem maglumat alyp bilerler. Halkara uniwersitetleriň milli bilim edaralary bilen bilelikde gatnaşmagy halkara gatnaşyklary ösdürmäge we tejribe alyşmaga bolan gyzyklanmany tassyklaýar. Sergi akademiki hyzmatdaşlygy berkitmek, häzirki zaman bilim usullaryny ornaşdyrmak we täze hünär gatnaşyklaryny ýola goýmak üçin mümkinçilikleri görkezýär.
12-nji oktýabr — serginiň jemleýji güni. Gelýänleriň ekspozisiýa we oňa gatnaşýan ýerli hem-de daşary ýurtly gatnaşyjylaryň döwrebap işläp taýýarlamalary bilen tanyşmak üçin heniz mümkinçilikleri bar. Has giňişleýin üçin : https://saglyk.turkmenexpo.com
