Aşgabatda Malaýziýanyň öňdebaryjy uniwersitetleriniň bilim mümkinçilikleri tanyşdyryldy
10-njy oktýabrda Malaýziýanyň Aşgabatdaky Ilçihanasy “So Pandai Sdn Bhd” kompaniýasy we bu ýurduň öňdebaryjy ýokary okuw mekdepleri bilen bilelikde saglygy goraýşyň, bilimiň we sportuň ösüşine bagyşlanan halkara serginiň we ylmy maslahatyň çäklerinde ýörite bilim pawilýonyny açdy. Ilçihananyň diwarlygy Malaýziýany Türkmenistanyň ýaşlary üçin halkara ylmy-bilim merkezi hökmünde tanatmaga gönükdirilendir.
Bu başlangyç Astanada geçirilen “Malaýziýa — Merkezi Aziýa” ýokary bilim boýunça sebitleýin forumynyň (MAHEF 2026) netijeleriniň amaly dowamydyr. Şol forumda Malaýziýanyň ýokary bilim ministri Dato Seri Diraja doktor Zambri Abd Kadir akademiki alyş-çalyşygy, bilelikdäki ylmy barlaglary we serhetüsti bilim maksatnamalaryny öz içine alýan bilim ulgamyndaky hyzmatdaşlygy ösdürmegiň strategiýasyny teklip etdi.
Bu wezipeleri durmuşa geçirmek maksady bilen, Malaýziýanyň dokuz sany iri okuw mekdebiniň wekilleri Türkmenistanyň paýtagtyna geldiler. Olaryň hatarynda “Sunway Education Group”, “Taylor’s University”, “International Medical University”, “Universiti Teknologi PETRONAS”, “INTI International University”, “Asia Pacific University of Technology & Innovation”, “Management and Science University”, şeýle hem “Swinburne” we “Monash” uniwersitetleriniň şahamçalary bar. Wekiliýet inženerçilik, maglumat tehnologiýalary, işewürlik, lukmançylyk we takyk ylymlary ugurlarynda Malaýziýanyň ýokary bilim ulgamynyň mümkinçiliklerine wekilçilik edýär.
Açylyş dabarasynda Malaýziýanyň Türkmenistandaky ilçisi Mohd Suhaými Ahmad Tajuddin “Education Malaysia Global Services” guramasynyň maglumatlaryna salgylanyp, 2026-njy ýylyň awgust aýynyň ahyryna çenli Malaýziýanyň ýokary okuw mekdeplerinde Türkmenistanyň 634 raýatynyň bilim alýandygyny habar berdi. Diplomat akademiki taýýarlygyň ähli derejelerinde bu görkezijiniň geljekde has-da artjakdygyna ynam bildirdi.
Diplomatik wekilhananyň ýolbaşçysy, şeýle hem Türkmenistanyň raýatlary üçin hereket edýän 90 günlük wizasyz düzgüniniň hereket etýändigini belledi. Bu düzgün dalaşgärlere we olaryň ene-atalaryna Malaýziýa bilen tanyşlyk saparyny amala aşyrmaga, bilim şäherçelerini öz gözleri bilen görmäge hem-de okuwa girmezden ozal ýurduň köp medeniýetli gurşawyna baha bermäge mümkinçilik berýär.
Malaýziýanyň pawilýony Türkmenistanyň Söwda-senagat edarasynyň sergi merkezinde 12-nji oktýabra çenli öz işini dowam eder. Pawilýona gelýänlere okuwa kabul edilmegiň düzgünleri, talyp haklary maksatnamalary we ylmy-akademiki hyzmatdaşlygyň geljegi barada giňişleýin maglumat berler.
