Gazagystan, Özbegistan we Eurasia Growth Hub IT-startaplara dünýä bazaryna çykmaga ýardam ederler
Gazagystanyň «Astana Hub» tehnologik parky, Özbegistanyň «IT Park»-y we «Eurasia Growth Hub» halkara merkezi tehnologik kompaniýalary bilelikde goldamak barada ylalaşyk baglaşdylar.
Hyzmatdaşlygyň esasy maksady — Gazagystanyň we Özbegistanyň startaplaryna daşary ýurtlarda müşderileri tapmaga, maýadarlary çekmäge we global derejä çykmaga kömek etmekdir.
Resminama «AI & Digital Bridge 2026» halkara forumynda gol çekildi. Ylalaşygyň çäklerinde taraplar işewürlik üçin «ýumşak gonma» (soft landing) ulgamyny dörederler. Ol daşary ýurt bazarlaryny öwrenmekde, ýuridiki we amallar bilen baglanyşykly meseleleri çözmekde hünärmen kömegini, şeýle hem strategiki hyzmatdaşlar we wençur gaznalary bilen B2B-duşuşyklary guramagy öz içine alýar.
Hyzmatdaşlar tehnologiki çözgütleri Beýik Britaniýada we beýleki Ýewropa ýurtlarynda ilerletmäge aýratyn üns bererler. Mundan başga-da, guramalar bilelikde ylmy-barlag taslamalaryny we mentor maksatnamalaryny işe girizmegi, şeýle hem emeli aň ulgamynda önümleri işläp düzmegi meýilleşdirýärler.
Merkezi Aziýanyň iň uly IT-merkezleriniň tagallalarynyň birleşdirilmegi sebitiň zehinli telekeçilerine öz hyzmatlaryny halkara ülňülerine çalt uýgunlaşdyrmaga we nazaryýetden daşary ýurt sargyt edijileri bilen hakyky şertnamalary baglaşmaga geçmäge mümkinçilik berer.
ORIENT
