Türkmenistanyň we Russiýanyň Prezidentleri hyzmatdaşlygy pugtalandyrmagy we GDA-nyň sammitine taýýarlygy ara alyp maslahatlaşdylar
22-nji sentýabrda Türkmenistanyň Prezidenti Serdar Berdimuhamedow bilen Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik geçirildi.
Russiýanyň döwlet Baştutany türkmen kärdeşini doglan güni bilen mähirli gutlap, iň gowy arzuwlaryny beýan etdi. Türkmenistanyň Prezidenti mähirli gutlaglar üçin minnetdarlyk bildirip, dostlukly ýurduň döwlet Baştutanyny Russiýa Federasiýasynyň Federal Ýygnagynyň Döwlet Dumasyna saýlawlaryň üstünlikli geçirilmegi bilen gutlady.
Söhbetdeşligiň dowamynda taraplar ikitaraplaýyn strategik hyzmatdaşlygyň ýokary derejesini we yzygiderli ösüş depginini kanagatlanma bilen bellediler. Iki ýurduň Baştutanlary Türkmenistan bilen Russiýanyň arasyndaky özara gatnaşyklaryň mundan beýläk-de hemmetaraplaýyn çuňlaşdyrylmagyna özara gyzyklanmalaryny tassykladylar.
Gepleşikleriň aýratyn bir ugry GDA-nyň döwlet Baştutanlarynyň Geňeşiniň mejlisine taýýarlyk boldy. Giň gerimli sammit şu ýylyň oktýabr aýynda geçirilmegi meýilleşdirilýär we Türkmenistanyň başlyklyk etmeginde geçiriler.
