Türkiýe BMG-niň COP31 howa sammitini kabul eder: iň iri halkara forumy Antalýada geçiriler
9–20-nji noýabr aralygynda Türkiýäniň Antalýa şäherinde BMG-niň Howanyň üýtgemegi baradaky Çarçuwaly konwensiýasynyň taraplarynyň 31-nji maslahaty (COP31) geçiriler. Bu çäre Türkiýäniň taryhyndaky iň iri halkara çäre bolar.
COP maslahaty — dünýäniň daşky gurşawy goramak boýunça bilelikdäki çäreler barada ylalaşýan dünýä liderleriniň, ministrleriň, alymlaryň we işewürleriň gatnaşmagyndaky her ýyl geçirilýän esasy halkara platformasydyr. 2026-njy ýylyň sammiti dünýäniň dürli ýurtlaryndan döwlet edaralarynyň wekillerini, maýadarlary, akademiki toparlary we jemgyýetçilik guramalaryny bir ýere jemlär.
Sammitiň dowamynda «Ýaşyl zolagy» (Green Zone) aýratyn üns merkezinde bolar. Bu kompaniýalar, startaplar we döwlet edaralary üçin niýetlenen ýörite meýdançadyr. Bu ýerde gatnaşyjylar öz ekotehnologiýalary bilen tanyşdyryp, maýadarlary tapyp, halkara bilermenleri bilen aragatnaşyk gurup we täze hyzmatdaşlyk şertnamalaryny baglaşyp bilerler.
Gatnaşmak we «Ýaşyl zolagyň» işi bilen bagly meseleler boýunça guramaçylar bilen greenzone@cop31.tr elektron poçtasy arkaly habarlaşyp bilersiňiz.
Çäre barada giňişleýin maglumat resmi web sahypasynda elýeterlidir: https://cop31.tr/tr.
ORIENT
