Omanda howa menzilleri üçin niýetlenen uçarmansyz awtoulag üstünlikli synagdan geçirildi
Oman Soltanlygynyň Ulag, aragatnakyk we maglumat tehnologiýalary ministrligi awtonom uçarmansyz awtoulagyň synaglaryny üstünlikli geçirdi. Enjamyň doly göwrümde ulanyşa girizilmegi 2027-nji ýyla meýilleşdirilýär.
Synaglar ýurduň ikinji iri şäheri bolan Salala halkara howa menziliniň çäginde guraldy. Barlaglaryň barşynda hünärmenler akylly ulgamlaryň işine, howpsuzlyga hem-de awtoulagyň howa menziliniň hakyky şertlerinde özbaşdak hereket etmek ukybyna baha berdiler.
Oman hökümeti uçarmansyz ulaglaryň ornaşdyrylmagynyň amal çykdajylaryny azaltmaga, kömürturşy gazynyň zyňyndylaryny peseltmäge, şeýle hem ýolagçy we logistika gatnawlarynyň tizligini hem-de ygtybarlygyny ýokarlandyrmaga ýardam berjekdigine umyt baglaýar. Bu taslama ýurduň sanly üýtgeşmeler ulgamyndaky esasy milli ileri tutulýan ugurlarynyň biridir.
ORIENT
