Türkmenistanda ahalteke bedewlerini döwlet tarapyndan goramak hakynda kanun işlenip taýýarlanylýar
Sentýabr 14, 2026 | 13:29 |2489
Türkmenistanyň Mejlisi täze kanun taslamalarynyň toplumynyň üstünde iş alyp barýar. Olaryň hatarynda “Türkmenistanda ahalteke bedew atlarynyň döwlet goragy hakynda” hem-de “Gozgalmaýan emläge bolan hukuklaryň döwlet belligine alynmagy hakynda” Türkmenistanyň Kanunlary bar.
Anna güni geçirilen Ministrler Kabinetiniň mejlisinde kanun çykaryjylyk işi barada Türkmenistanyň Mejlisiniň Başlygy Dünýägözel Gulmanowa maglumat berdi. Täze kanunçylyk namalaryny taýýarlamak bilen bir hatarda, deputatlar “Kärende hakynda”, “Paýdarlar jemgyýetleri hakynda”, “Neşirýat işi hakynda”, “Işiň aýry-aýry görnüşlerini ygtyýarlylandyrmak hakynda” hereket edýän kanunçylyk namalaryna döwrebap üýtgetmeleri we goşmaçalary girizmek boýunça işler alyp barýarlar.
