Serdar Berdimuhamedow Koreýa Respublikasyna döwlet saparyny amala aşyrar
Türkmenistanyň Prezidenti Serdar Berdimuhamedow Koreýa Respublikasyna döwlet saparyny amala aşyrar hem-de onuň çäklerinde Seulda 16-njy sentýabrda geçiriljek «Merkezi Aziýa — Koreýa Respublikasy» formatyndaky döwlet Baştutanlarynyň birinji sammitine gatnaşar.
Öňde boljak saparyň çäklerinde geçiriljek çäreleriň taýýarlygy barada Türkmenistanyň Daşary işler ministri Raşid Meredow 11-nji sentýabrda, anna güni geçirilen Ministrler Kabinetiniň mejlisinde hasabat berdi.
Häzirki wagta çenli iki döwletiň arasyndaky gatnaşyklaryň şertnama-hukuk binýadyny berkiden döwletara, hökümetara we pudagara resminamalaryň 118-si baglaşyldy. Türkmenistanda koreý maýasynyň gatnaşmagynda 17 sany maýa goýum taslamasy hasaba alyndy. Olaryň hatarynda “Galkynyş” gaz käninde kükürt arassalaýan toplumy, Gyýanly şäherçesindäki polietilen we polipropilen öndürýän gazhimiýa toplumy ýaly iri desgalar bar.
Saparyň dowamynda ykdysadyýet, maýa goýumlar, ulag, logistika, himiýa senagaty, infrastruktura gurluşygy, ekologiýa we suw serişdeleri ýaly ugurlarda hökümetara we pudagara ylalaşyklaryň giň toplumyna gol çekilmegi meýilleşdirilýär.
«Yonhap News»-niň reportažy Türkmenistanyň we Koreýanyň senagat dialogynyň täze ugurlaryny açýar
Bilermen: Koreýa – Merkezi Aziýa sammiti serhetüsti ykdysadyýete geçişe badalga bermelidir
Merkezi Aziýa ýurtlary elektron hökümet ulgamynda Günorta Koreýanyň tejribesini öwrenýärler
Koreýa we Merkezi Aziýa ýurtlary senagat ministrleriniň hemişelik duşuşyk formatyny işe girizýär
Merkezi Aziýa we Günorta Koreýa ýokary tehnologiýaly suw hyzmatdaşlygyny ýola goýýar
