Stambuldaky Rami kitaphanasy dünýäniň iň gowy «ýaşyl» kitaphanasy diýlip ykrar edildi
Stambuldaky Rami kitaphanasy IFLA tarapyndan döredilen Green Library Awards 2026 baýragynyň «Uly göwrümli taslama» kategoriýasynda ýeňiji boldy. Bu baýrak XIX asyra degişli taryhy kazarmalary howanyň üýtgemegine durnukly şäher jemgyýetçilik giňişligine öwürmek boýunça taslama üçin berildi. Bu taslama medeni mirasy gorap saklamagy, ekologik ugurlary we ýerli jemgyýet üçin hyzmatlary özünde utgaşdyrýar.
IFLA-nyň Daşky gurşaw, durnukly ösüş we kitaphanalar boýunça bölümi (ENSULIB) tarapyndan gowşurylýan bu baýraklar ekologik durnuklylygy gazanmakda ýokary derejeli öňdebaryjylygy, innowasion çemeleşmeleri we möhüm täsiri görkezýän kitaphanalary hem-de taslamalary sylaglaýar.
Koreýa Respublikasynyň Pusan şäherinde geçirilen 90-njy IFLA Bütindünýä kitaphana we maglumat kongresiniň (WLIC 2026) çäklerinde geçirilen WLIC Awards 2026 maksatnamasynyň 11-nji baýrak gowşurylyş dabarasynda Rami kitaphanasy 27 ýurtdan gatnaşan 62 gatnaşyjynyň arasynda aýratyn tapawutlandy. Eminler topary onuň durnukly ösüş babatdaky köpugurly başlangyçlaryny aýratyn belledi. Kitaphananyň taslamasy ekologiýa taýdan arassa medeni giňişlikleri döretmek üçin ylham beriji nusgany hödürleýär.
ORIENT
