Ankara dünýä syýahatçylyk merkezine öwrüler: Travel Expo Ankara 2026 sergisi açylýar
19–21-nji noýabr aralygynda Türkiýäniň paýtagty Ankara şäherinde syýahatçylyk we syýahatlar boýunça 9-njy Halkara sergi — Travel Expo Ankara 2026 geçiriler. Uly pudaklaýyn çäre ATO Congresium sergi merkezinde guralar.
Serginiň esasy maksady Ankaranyň halkara syýahatçylyk, kongresleri geçirmek we işewür syýahatçylygy ösdürmek merkezi hökmündäki ornuny berkitmekden ybarat. Şu ýyl sergi 12 müň inedördül metr meýdany eýelär, guramaçylar bolsa dünýäniň dürli künjeklerinden 75 müňden gowrak myhmanyň gelmegine garaşýarlar.
Bir meýdançada bazaryň öňdebaryjy wekilleri — halkara syýahatçylyk operatorlary, myhmanhanalar, HoReCa pudagynyň kompaniýalary, degişli edaralaryň wekilleri we iri maslahatlaryň guramaçylary ýygnanar.
Travel Expo Ankara 2026 sergisine gatnaşmak pudagyň wekillerine özara bähbitli şertnamalary baglaşmak, tejribe alyşmak we täze halkara ugurlaryna çykmak üçin giň mümkinçilikleri açýar.
Çärä gatnaşmagyň şertleri we jikme-jik maglumatlar çäräniň resmi saýtynda elýeterlidir: travelexpoankara.com.
ORIENT
