Türkmenbaşynyň nebiti gaýtadan işleýän zawodlar toplumy önümçilik kuwwatlyklaryny döwrebaplaşdyrýar
Türkmenbaşynyň nebiti gaýtadan işleýän zawodlar toplumynda (TNGIZT) desgalarda düýpli abatlaýyş işleri geçiriler we olar tehniki taýdan täzeden enjamlaşdyrylar. Önümçilik kuwwatlyklaryny döwrebaplaşdyrmak baradaky karar hormatly Prezidentimiz Serdar Berdimuhamedow tarapyndan 28-nji awgust, anna güni geçirilen Ministrler Kabinetiniň mejlisinde makullanyldy.
Meýilleşdirilen işleriň çäklerinde esasy üns ýurdumyzyň nebiti gaýtadan işleýän senagatynyň öňdebaryjy toplumynyň tehnologik desgalaryny ygtybarly energiýa bilen üpjün etmäge gönükdiriler. Göz öňünde tutulan döwrebaplaşdyrma çig maly gaýtadan işlemegiň üznüksiz aýlanyşygyny üpjün etmäge, hereket edýän kuwwatlyklardan netijeli peýdalanmagy ýokarlandyrmaga we ýokary hilli nebit-himiýa önümleriniň durnukly öndürilmegini üpjün etmäge mümkinçilik berer.
