Has ýeňil, has berk we hemra aragatnaşygy bilen: Garmin Fenix 9 we 9 Pro flagman sagatlaryny çykardy
Garmin kompaniýasy sport üçin niýetlenen flagman akylly sagatlarynyň täze nesli — fēnix 9 we fēnix 9 Pro modellerini resmi taýdan tanyşdyrdy. Täze modellerde özbaşdak hemra aragatnaşygy, has ýagty ekranlar, berk korpus we uzak wagtlap işleýän batareýa bar.
Pro wersiýasynyň esasy aýratynlygy — ilkinji gezek ýeňil we aşa berk titan korpusynyň ulanylmagydyr. Sagatlar 43, 47 we 51 mm ölçeglerde elýeterlidir. Modelleriň ekranlary sapfir aýnasy bilen goralýar, ýagtylygy iki esse ýokarlandyryldy, suwa çydamlylygy bolsa sagatlary 40 metre çenli çuňlukda ulanmaga mümkinçilik berýär.
Ekstremal dynç alyşy we syýahaty halaýanlar üçin Garmin inReach hemra aragatnaşygyny we LTE torlaryny goldamagy goşdy. Indi ulanyjylar öýjükli aragatnaşyk tory ýa-da smartfon bolmadyk ýerlerde hem göni sagadyň özünden habar iberip, jaň edip we SOS signalyny ugradyp bilýärler. Kartlar indi 30% has çalt işleýär, 64 GB göwrümli içerki ýat bolsa müňlerçe karty we aýdym-saz treklerini ýüklemäge ýeterlikdir.
Enjamlaryň awtonom işlemek görkezijileri hem täsir galdyryjydyr: adaty fēnix 9 zarýadsyz 29 güne çenli işläp bilýär, gün batareýasy bilen üpjün edilen Pro wersiýasynyň iş wagty bolsa 57 güne çenli ýetýär.
ORIENT
