8–10-njy sentýabrda Daşkent dokma senagatynyň hünärmenlerini bir ýere jemlär
Özbegistanyň paýtagty Daşkentde Merkezi Aziýanyň dokma enjamlarynyň 17-nji halkara sergisi — CAITME 2026 geçiriler. Bu sergi däp bolan Global Textile Days hepdeliginiň açylyş çäresi bolar.
CAITME Merkezi Aziýanyň dokma we tikinçilik senagaty üçin möhüm çäreleriň biri bolup, garaşsyz auditiň maglumatlaryna görä, GDA ýurtlarynda şu görnüşdäki iň iri ýöriteleşdirilen sergidir. Sergi sebitiň dokma we tikinçilik pudagyny enjamlaşdyrmakda we döwrebaplaşdyrmakda möhüm orun eýeleýär. Şeýle hem ol öndürijilere zähmet öndürijiligini ýokarlandyrmaga, öňdebaryjy tehnologiýalary ornaşdyrmaga we halkara bazarlarynda bäsdeşlige ukyplylygyny berkitmäge ýardam edýär.
Şu ýyl sergä 17 ýurtdan 250 kompaniýa we brend gatnaşar. Germaniýa Milli pawilýon bilen wekilçilik eder. Şeýle hem Awstriýadan, Hindistandan, Italiýadan, Hytaýdan, Türkiýeden, ABŞ-dan, Şweýsariýadan we beýleki öňdebaryjy dokma döwletlerinden kompaniýalar gatnaşar.
Öňki ýyllardaky ýaly, sergide dokma enjamlaryny öndürmek boýunça dünýäniň öňdebaryjy kompaniýalary we Ýewropadan hem-de Aziýadan öňdebaryjy tehnologiýalary üpjün edijiler öz önümlerini hödürlär. Olaryň hatarynda Rieter, Uster, Novibra, SSM, Spindelfabrik Sussen, Toyota, Muratec, Truetzschler, Saurer, Picanol, Santoni, Terrot, Habasit, MHMS, Vandewiele NV, Karl Mayer, Staubli, IRO, Biancalani, Ferraro, Epson, Zimmer Austria, Mario Crosta, Itema, Lafer, Motex Di Modiano Guido, Salvade`, Simet, Dettin, Sclavos, Effe, Mahlo, Lonati, Shima Seiki, Andritz Küsters, Brückner, Carl Schmale, Sossna, Texpa, Thies, Groz-Beckert KG, Kaeser Kompressoren, Schott & Meissner, Textima, Tetas, Temsan, Lakshmi Machine Works, Lakshmi Card Clothing, Precitex, Kansai, Brazzoli, Eliar, Guven Celik, West Global, CTMTC, Hengyi, Leadsfon, Rifa, Yingyang, Baoyu, Dyestar, NF Kimya, Eksoy, Deniz Kimya we başga-da köp kompaniýalar bar. Özbegistan hem pudagyň öňdebaryjy kompaniýalary bilen wekilçilik eder.
Hepdäniň guramaçylarynyň maglumatlaryna görä, serginiň esasy täzelikleriniň biri TextileExpo Uzbekistan Sourcing Hub innowasion taslamasy bolar. Ol 9-njy sentýabrda geçiriler. Özbegistanda ilkinji gezek dokma öndürijileri bilen söwda torlarynyň, zawodlaryň we pudaklaýyn kompaniýalaryň satyn alyş hünärmenleri emeli aňdan peýdalanmak arkaly sanly formatda göni B2B gepleşikleri geçirip bilerler.
