«Medeniýet we Syýahat» žurnaly Gadymy Merwe syýahat guraýar
Türkmenistanyň Medeniýet ministrliginiň «Medeniýet we Syýahat» žurnaly ýurdumyzyň syýahatçylyk mümkinçiliklerini giňden wagyz etmek maksady bilen içerki syýahatçylyk gezelençlerini guraýar.
Nobatdaky ugur 2026-njy ýylyň 19–20-nji awgustynda geçirilip, Gadymy Merwiň taryhy ýadygärliklerine bagyşlanar. Syýahat otly bilen amala aşyrylar we gatnaşyjylara Türkmenistanyň iň möhüm gadymy şäherleriniň biriniň taryhy-medeni mirasy bilen ýakyndan tanyşmaga mümkinçilik berer.
Guralýan syýahatlaryň çäginde syýahatçylara «Awaza» milli syýahatçylyk zolagyna, ÝUNESKO-nyň Bütindünýä mirasynyň sanawyna girizilen taryhy ýadygärliklere, Köýtendagyň jülgelerine we ýurdumyzyň beýleki gyzykly syýahatçylyk ugurlaryna gezelençler hem hödürlenýär.
Syýahatlary guramak üçin syýahatçylary demir ýol we awtoulag ulaglary arkaly gatnatmak hyzmatlary göz öňünde tutulýar.
Goşmaça maglumat üçin şu telefon belgilerine ýüz tutup bilersiňiz: 44-01-40, (+99363)27-66-74.
