Türkmenistanyň Er-Riýaddaky ilçisi “DUX Middle East (FZC) LLC” kompaniýasynyň baş direktoryny kabul etdi
13-nji awgustda Türkmenistanyň Saud Arabystany Patyşalygyndaky Adatdan daşary we Doly ygtyýarly Ilçisi, şol bir wagtyn özünde Oman Soltanlygynda akkreditasiýa edilen Muhammetgeldi Aýazow Omanda bellige alnan “DUX Middle East (FZC) LLC” kompaniýasynyň başlygy we baş direktory Rasul Gulýaýewi kabul etdi.
Duşuşygyň dowamynda Rasul Gulýaýew diplomata öz kompaniýasynyň işi barada maglumat berdi we Türkmenbaşydaky nebiti gaýtadan işleýän zawodlar toplumynda öndürilen nebit önümlerini satyn almaga uly gyzyklanma bildirdi.
Öz gezeginde, ilçi Muhammetgeldi Aýazow kompaniýanyň direktoryna 2026-njy ýylyň 21-23-nji oktýabry aralygynda Aşgabatda “Türkmenistanyň nebiti we gazy – OGT 2026” atly XXXI halkara maslahatynyň we sergisiniň geçiriljekdigini habar berdi we ony bu iri ykdysady foruma gatnaşmaga çagyrdy.
ORIENT
