Sentýabr aýynda Aşgabatda Startup World Cup 2026 halkara bäsleşiginiň sebit tapgyry geçiriler
2026-njy ýylyň 19-njy sentýabrynda Aşgabatda Startup World Cup 2026 halkara bäsleşiginiň sebit tapgyry geçiriler. Çäräniň dowamynda startaplar öz taslamalaryny bilermenler emin agzalaryna hödürläp, San-Fransiskoda geçiriljek dünýä finalyna çykmak üçin bäsleşerler.
Bäsleşige dürli ugurlarda işleýän we ösüşiň islendik tapgyryndaky startaplar gatnaşyp biler. Gatnaşmak üçin arza doldurmak, Pitch Deck taýýarlamak we taslamany bilermenler emin agzalarynyň öňünde tanyşdyrmak zerur.
Aşgabatdaky sebit tapgyrynyň ýeňijisi Startup World Cup ýaryşynyň 2026-njy ýylyň 4–6-njy noýabrynda San-Fransiskoda geçiriljek dünýä finalynda Türkmenistana wekilçilik etmek mümkinçiligine eýe bolar. Dünýä finalynyň baş baýragy 1 million ABŞ dollaryna barabar.
Sebit tapgyryna gatnaşmak mugt, emma gatnaşyjylaryň sany çäklidir.
