Türkiýäniň ýodalary: dag gerişlerinden uç-gyraksyz duzlyklara çenli
Ajaýyp tebigy görnüşleri we dürli relýefi — belent dag gerişlerinden başlap, kenarýaka ýodalaryna çenli — bilen Türkiýe köp ýyllardan bäri pyýada gezelençleri we tebigatda işjeň dynç almagy halaýan adamlary özüne çekýär. Ýurdyň dürli geografik aýratynlyklary ultramarafon ýaly iri sport çärelerini geçirmek üçin hem ajaýyp şertleri döredýär. Şeýle ýaryşlar aşa fiziki synaglary tebigat bilen ýakyndan tanyşmak mümkinçiligi bilen utgaşdyrýar. Gara deňizden Türkiýe Riwýerasyna, Marmara deňzinden Kapadokiýa çenli Türkiýäniň dürli künjeklerinde ýylyň dowamynda dünýä derejesindäki ultramarafonlar geçirilýär.
Duz kölüniň uç-gyraksyz ak giňişliginde ýatdan çykmajak syýahat
21–23-nji awgust aralygynda Aksaraý welaýatynyň Eskil etrabynda ýerleşýän Tuz Gölüniň (Duz köli) haýran galdyryjy ak örtüginde «Runfire Salt Lake Ultra Trail» ultramarafony geçiriler.
Duz kölüniň täsin tebigy görnüşlerinde geçiriljek «Runfire Salt Lake Ultra Trail» dürli derejedäki türgenler üçin niýetlenen 7 ugur boýunça ýatdan çykmajak täsirleri wada berýär. Çäräniň maksatnamasyna 10 km, toparlaýyn 10 km, gündiz we gijeki 15 km, şeýle hem 20 km, 40 km, 80 km we 100 mil (160 km) aralyklara bolan ýaryşlar girýär. Şeýle giň görnüşli maksatnama gysga aralyga ylgaýan türgenlerden başlap, tejribeli ultramarafonçylara çenli dürli gatnaşyjylary özüne çekýär.
Marafonyň maksatnamasy:
— Sene: 2026-njy ýylyň 21–23-nji awgusty
— Gatnaşyjylar: dünýäniň 13 ýurdundan 750 türgen
— Geçiriljek ýeri: Duz köli (Eskil), Aksaraý, Türkiýe
— 100 millik ýaryşyň başlangyjy: 2026-njy ýylyň 21-nji awgusty
— Festiwal we beýleki ýaryşlar: 22-nji awgust
— Baýrak gowşurylyş dabarasy: 22–23-nji awgust
— Hasaba alnyş üçin soňky möhlet: 2026-njy ýylyň 17-nji awgusty
ORIENT
