Özbegistanda daşary ýurtly talyplaryň sanawynda Türkmenistanyň raýatlary öňdeligi eýeledi
2026-njy ýylyň birinji ýarymynda Özbegistan bilim almak maksady bilen ýurda gelen daşary ýurt raýatlarynyň sanynyň ep-esli artandygyny hasaba aldy. Özbegistan Respublikasynyň Milli statistika komitetiniň «Sputnik Özbegistan» infografikasynda çap edilen maglumatlaryna görä bilim alýanlaryň sany boýunça Türkmenistan öňdeligi eýeledi.
2026-njy ýylyň ýanwar–iýun aýlary aralygynda goňşy ýurda bilim almak üçin Türkmenistanyň 9 207 raýaty geldi. Bu dünýäniň ähli ýurtlarynyň arasynda iň ýokary görkeziji bolup, iki döwletiň arasynda bilim ulgamyndaky hyzmatdaşlygyň we akademiki alyş-çalyşlaryň işjeň ösýändigini görkezýär.
Umuman, alty aýyň dowamynda Özbegistana bilim almak maksady bilen gelen daşary ýurtlylaryň sany iki esse artmak bilen, 21 müňden geçdi. Bilim almak üçin Özbegistana iň köp raýat iberen ýurtlaryň ilkinji bäşligine şeýle hem Hindistan — 3 723 adam, Täjigistan — 1 915 adam, Hytaý — 951 talyp we Gyrgyzystan — 834 talyp bilen girdi.
Bu tendensiýanyň pugtalandyrylmagyna ýokary okuw mekdepleriniň arasynda bilelikdäki maksatnamalaryň, tejribelikleriň işjeň durmuşa geçirilmegi we sebitiň ýokary okuw mekdeplerinde grant boýunça okuw ýerleriniň giňeldilmegi ýardam berýär.
