Hindistanyň ilçihanasy ýoga boýunça hünärmen wezipesine boş iş ornuny yglan etdi
Hindistanyň Aşgabatdaky ilçihanasy ilçihananyň çäginde hem-de Aşgabat şäherindäki «Bagtyýarlyk» sport toplumynda yzygiderli ýoga sapaklaryny geçirmek üçin ýerli ýoga hünärmenini işe kabul etmek boýunça resminamalary kabul edýär.
Umumy talaplar:
-Ýaşy: 25–50 ýaş.
-Bilimi: azyndan ýokary bilim.
-Saglyk ýagdaýy: fiziki we ruhy taýdan sagdyn bolmaly.
-Diller: türkmen, rus we iňlis dillerini erkin bilmeli.
Dalaşgär şu aşakdaky talaplara laýyk gelmelidir:
a) Ýoga boýunça azyndan 3 ýyllyk ýokary bilim we 3 ýyllyk mugallymçylyk tejribesi; ýa-da
b) Abraýly okuw mekdebinden ýa-da ussat mugallymdan alnan azyndan 2 ýyllyk ýoga okuwynyň diplomy ýa-da şahadatnamasy we azyndan 4 ýyllyk iş tejribesi.
Şeýle hem dalaşgär ýoganyň taryhy we filosofiýasy barada ýeterlik bilime eýe bolmalydyr.
Aşakdaky başarnyklaryň bolmagy makullanýar:
a) Kompýuterden peýdalanmak endikleri, şol sanda audio we wideo ýazgylaryny taýýarlamak we ýüklemek, YouTube ýa-da internetdäki wideolary montaž etmek hem-de redaktirlemek;
b) Görkeziş çykyşlaryny we leksiýalary geçirmek boýunça tejribe;
c) Talyplara iň gowy şahsy netijeleri gazanmaga ýardam etmäge taýýarlyk, başlangyç görkezmek ukyby hem-de olaryň okuwy, ösüşi we tertibi babatda ýokary talaplary goýup bilmek.
Gyzyklanma bildirýän dalaşgärler arzasyny, terjimehalyny (CV), iş tejribesi we bilimi baradaky maglumatlary şu salgy boýunça iberip bilerler:
Hindistanyň Aşgabatdaky ilçihanasy, Halkara işewürlik merkezi, Ýunus Emre köçesi 1, Mir 2/1, poçta gutusy №80, Aşgabat – 744017, Türkmenistan.
Goşmaça maglumatlary iş günleri sagat 09:00–13:00 we 14:00–17:30 aralygynda 45-61-52, 45-61-53 telefon belgileri ýa-da int.ashgabat@mea.gov.in we pic.ashgabat@mea.gov.in elektron poçta salgylary arkaly alyp bolýar.
Resminamalary tabşyrmagyň iň soňky möhleti – 2026-njy ýylyň 14-nji awgusty.
