Özbegistan ICCA-a agza boldy: ýurt dünýä forumlary we kongresleri üçin täze meýdança öwrüler
Özbegistan resmi taýdan Halkara kongresler we maslahatlar assosiasiýasyna (ICCA) agza boldy. Syýahatçylyk baradaky komitetiň ýanyndaky Taslama edarasynyň bu abraýly halkara guramasyna goşulmagy ýurda işewürlik syýahatçylygynyň (MICE) ählumumy bazaryna göni çykmaga mümkinçilik berýär diýip, Yuz.uz habar berýär.
Bu waka Özbegistana iri halkara sammitlerini, sergileri we korporatiw forumlary çekmäge ýol açar. Adaty syýahatçylar bilen deňeşdirilende, işewürlik çärelerine gatnaşyjylar ortaça 3–4 esse köp serişdeleri sarp edýärler. Bu bolsa myhmanhana pudagynyň, ulagyň, jemgyýetçilik iýmitlenişiniň we hyzmatlar ulgamynyň ösmegine itergi berýär.
ICCA agzalygy nämeleri üpjün edýär:
— Maglumatlar binýadyna elýeterlilik: ýurt dünýäniň iň iri kongreslerini geçirmek hukugy ugrunda göni bäsleşip biler;
— Ykdysady girdejileriň artmagy: ýokary töleg ukyby bolan daşary ýurtly myhmanlary we maýadarlary çekmek.
— Halkara ülňüleriniň ornaşdyrylmagy: iri çäreleri guramak boýunça halkara tejribesini ornaşdyrmak we ýerli hünärmenleri taýýarlamak;
— Ýurduň abraýynyň ýokarlanmagy: Özbegistanyň Merkezi Aziýanyň howpsuz we döwrebap işewürlik merkezleriniň biri hökmünde halkara derejesinde tanalmagyny güýçlendirmek.
Täze kongres merkezleriniň, myhmanhanalaryň gurulmagy we howa gatnawlarynyň giňeldilmegi ýaly ösen infrastruktura arkaly Özbegistan sebitiň esasy işewürlik merkezine öwrülmek üçin berk binýady döredýär.
ORIENT
