Bilelik Hub Aşgabatda OPEN HUB — Açyk gapylar gününe çagyrýar
2026-njy ýylyň 1-nji awgustynda Bilelik Hub OPEN HUB atly çäräni geçirer. Bu çäre merkeziň giňişligi, onuň jemgyýetçiligi hem-de hünär taýdan ösüş, aragatnaşyk we hyzmatdaşlyk üçin niýetlenen maksatnamalary bilen tanyşdyrmaga bagyşlanýar.
Günüň dowamynda myhmanlar Bilelik Hub merkezine baryp görüp, koworking zolagy bilen tanşyp, klublaryň açyk sessiýalaryna gatnaşyp, peýdaly maslahatlary alyp we jemgyýetçiligiň agzalary bilen tanyşyp bilerler.
OPEN HUB çäresiniň maksatnamasy
10:00–10:30 | Myhmanlary garşylamak
Gatnaşyjylary kabul etmek we erkin söhbetdeşlik.
10:30–16:00 | Bilelik Hub boýunça gezelenç
Myhmanlar merkeziň giňişligi bilen tanyşyp, erkin koworking zolagyny, iş meýdançalaryny, Bilelik Hub merkeziniň hyzmatlaryny görüp hem-de ýokary tizlikli Wi-Fi ulgamyny synap bilerler.
11:00–16:00 | LinkedIn Photoshoot & Branding Session
LinkedIn profilleri üçin professional fotosessiýa. Hünärmenler professional profili dogry taýýarlamak we sanly gurşawda şahsy brendi ösdürmek boýunça gysga maslahatlary bererler.
12:00–15:00 | Bilelik Hub merkeziniň hyzmatdaşlarynyň tanyşdyrylyşy
Merkeziň hyzmatdaşlary audit, emläge baha bermek we gozgalmaýan emläk bilen bagly geleşikler boýunça şahsy taraplara hem-de telekeçilere maslahat bererler.
14:00–20:00 | Bilelik Hub klublarynyň interaktiw demo-sessiýalary
Gatnaşyjylar merkeziň hereket edýän we täze döredilýän klublary bilen tanyşyp, olaryň açyk duşuşyklaryna gatnaşyp, her bir jemgyýetçiligiň iş görnüşini tejribede synlap bilerler.
15:00–15:30 | Special Offers & Membership Hour
Rezidentlik üçin ýörite şertleriň tanyşdyrylyşy, täze gatnaşyjylaryň hasaba alynmagy, Bilelik Hub merkeziniň adyndan sowgatlyk önümleriniň we beýleki sowgatlaryň gowşurylyşy.
19:30–21:00 | Klublara ýazylmak we baýrakly utuş
Myhmanlar özlerine gyzykly bolan klublara ýörite şertlerde agza bolup, jemleýji sowgatly utuşa gatnaşyp hem-de çärä gatnaşyjylar bilen umumy surata düşüp bilerler.
20:00–22:00 | Bilelik Hub merkeziniň eýwanynda Sunset Networking
Agşamky maksatnama merkeziň eýwanynda geçiriler. Myhmanlara aragatnaşyk gurmak, tejribe alyşmak, rezidentler, klub ýolbaşçylary we OPEN HUB çäresiniň gatnaşyjylary bilen intellektual oýunlara gatnaşmak mümkinçiligi dörediler.
OPEN HUB çäresi Bilelik Hub merkezi, onuň jemgyýetçiligi we iş ugurlary bilen tanyşmak üçin amatly meýdança bolar.
Guramaçylar ähli gyzyklanma bildirýänleri çärä gatnaşmaga, merkeziň giňişligi bilen tanyşmaga, özlerini gyzyklandyrýan soraglary bermäge we gününi täze pikirleriň hem-de netijeli aragatnaşygyň ruhunda geçirmäge çagyrýarlar.
Sene: 2026-njy ýylyň 1-nji awgusty
Wagty: 10:00–22:00
Geçiriljek ýeri: Bilelik Hub, Ashgabat Mall.
