Izmirde 22-nji halkara oba hojalyk sergisi «AGROEXPO 2027» geçiriler
2027-nji ýylyň 2-nji fewraly bilen 6-njy fewraly aralygynda Türkiýäniň Izmir şäherinde «AGROEXPO» 22-nji Halkara oba hojalyk we maldarçylyk sergisi geciriler.
Bu Ýewropada we Türkiýäniň in iri hünär derejesindäki çäreleriniň biri bolup, bütin dünýäden oba hojalyk tehnikalaryny öndürijileri, oba hojalyk kompaniýalaryny we fermerleri bir ýere jemlär.
Çäre « Gaziemir» sergi merkezinde bolar we umumy meýdany 110 müň inedördül metr bolan 12 pawilýony eýelär. Sergide aşakdakylar görkeziler:
— Oba hojalyk tehnikalary: dünýäniň we Türkiýäniň öňdebaryjy brendlerinden traktorlar, topragy bejermek we ekinlere ideg etmek üçin enjamlar.
— Maldarçylyk we iým: fermer hojalyklary üçin häzirki zaman çözgütleri, mallary saklamak üçin tehnologiýalar we iým üçin innowasion goşundylar.
— Innowasiýalar we sanlylaşdyrmak: hasyllylygy ýokarlandyrmak we oba hojalyk telekeçiligini netijeli dolandyrmak üçin öňdebaryjy işläp taýýarlamalar.
Maksatnama baradaky giňişleýin maglumatlar çäräniň resmi saýtynda ýerleşdirilendir. Şol ýerde serginiň bildirişi hem elýeterlidir.
«AGROEXPO» — bu täze hyzmatdaşlary tapmak, enjamlary göni öndürijilerden satyn almak we tejribe alyşmak üçin iş platformasydyr. Geçen gezek sergä 112 ýurtdan 110 müňden gowrak adam geldi, bu hem onuň ýokary halkara derejesini tassyklaýar.
ORIENT
