Astrahanda Türkmenistanyň Garaşsyzlygynyň 35 ýyllygyna we Halk Maslahatynyň mejlisine bagyşlanan maslahat geçirildi
29-njy iýulda Türkmenistanyň Russiýa Federasiýasyndaky Konsullygynda (Astrahan ş.) ýurdumyzyň Garaşsyzlygynyň 35 ýyllygyna hem-de Türkmenistanyň Halk Maslahatynyň nobatdaky mejlisine bagyşlanan maslahat geçirildi.
Çärä diplomatlar, Türkmen medeniýetini saklamak we ösdürmek boýunça Astrahan sebit jemgyýetçilik guramasynyň ýolbaşçylary we wekilleri, şeýle hem sebitdäki ýokary we orta hünär okuw mekdeplerinde okaýan türkmen talyplary gatnaşdylar.
Maslahatyň dowamynda gatnaşyjylar Garaşsyzlyk ýyllarynda Türkmenistanyň gazanan esasy üstünliklerini we ösüşlerini ara alyp maslahatlaşdylar.
Halk Maslahatynyň nobatdaky mejlisiniň ähmiýetine ýurdumyzyň durmuşyndaky möhüm syýasy we jemgyýetçilik waka hökmünde aýratyn üns berildi. Ýygnananlaryň öňünde türkmen diasporasynyň wekilleri hem-de talyplar nutuklary bilen çykyş etdiler.
ORIENT
