Ilon Mask «X» sosial ulgamyň ulanyjylary üçin «X Money» töleg hyzmatyny işe girizdi
«X» kompaniyasy «X Premium» we «Premium Plus» agzalary üçin «X Money» töleg hyzmatyny işe girizdi. Bu hyzmatynyň işe girizilmegi Ilon Maskyň «X» sosial ulgamy ähli taraplaýyn super-programma öwürmek ugrundaky nobatdaky ädimi boldy.
Platforma ulanyjylara sanly gapjygy, ulgamyň içinde mugt pul geçirmelerini we «Apple Wallet» bilen utgaşmagy hödürleýär. Şeýle hem agzalar öz ulanyjy ady (username) ýazylan metall «Visa» kartyny alyp bilerler.
«Premium Plus» müşderilerine ýyllyk 6%-e çenli girdeji tölenýär, «Premium» esasy abunalygynyň eýeleri girdeji almak üçin iň pes möçberde depozit goýmaly bolarlar.
Ozal bu töleg ulgamy çakylyk esasynda synag tertibinde işleýärdi, aprel aýynda bolsa irki açyk elýeterlilik görnüşine geçdi. Indi maliýe hyzmatlary platformanyň ähli tölegli agzalary üçin elýeterli boldy. Bu taslamanyň işe girizilmegi garşylykly täsirleri döretdi: hususan-da, ABŞ-nyň senatory Elizabet Uorren maliýe howpsuzlygy we ulanyjylaryň maglumatlaryny goramak babatda aladalaryny beýan etdi.
ORIENT
