Stambulda Data Center Eurasia 2026 sergisi we maslahaty geçiriler
2026-njy ýylyň 7–10-njy oktýabry aralygynda Stambulyň Sergiler merkezinde halkara Data Center Eurasia 2026 sergisi we maslahaty geçiriler. Bu çäre maglumat merkezleri, bulut tehnologiýalary we emeli aň ugrundaky bilermenler üçin sebitde esasy halkara meýdançalaryň birine öwrüler.
Sergä dünýäniň öňdebaryjy halkara kompaniýalary, maýadarlar we işläp düzüjiler gatnaşar. Gatnaşyjylaryň üns merkezinde maglumat merkezleriniň energiýa tygşytlylygy, IT-infrastrukturanyň häzirki zaman sowadyş ulgamlary, kiberhowpsuzlyk we maglumat merkezlerinde ýaşyl energiýany ulanmak ýaly ugurlar bolar.
Myhmanlar we hünärmenler öňdebaryjy tehniki çözgütler bilen tanyşmaga, geljegi uly maýa goýum taslamalaryny ara alyp maslahatlaşmaga hem-de strategik hyzmatdaşlyklary ýola goýmaga mümkinçilik alarlar.
Guramaçylar dünýä brendleriniň we alyjylarynyň sanyny artdyrmagy, şeýle hem Stambulyň sebitde möhüm sanly we tehnologik merkez hökmündäki ornuny berkitmegi maksat edinýärler.
Çäräniň maksatnamasy barada giňişleýin maglumat resmi saýtda ýerleşdirilen: www.datacentereurasia.com.
ORIENT
