Bilelik Hub çagalar we ulular üçin täze bilim intensiw okuwlaryny işe girizýär
Bilelik Hub döredijilik merkezi bilim maksatnamasyny giňeldip, şäher ýaşaýjylaryny hünär, döredijilik we intellektual başarnyklary ösdürmäge gönükdirilen täze intensiw okuwlara çagyrýar.
Gatnaşyjylara olimpiada matematikasy, marketingiň esaslary we teatr sungaty boýunça okuw maksatnamalary hödürlenýär.
Bilelik Math Camp
Matematikany halaýan ýaşlar üçin halkara olimpiadalaryna taýýarlamaga gönükdirilen Bilelik Math Camp intensiw okuwlary başlanýar.
Okuwlar iňlis dilinde geçirilýär. Sapaklara halkara olimpiadalaryna taýýarlyk boýunça tejribeli tälimçi Merdangeldi Baýramow ýolbaşçylyk edýär.
Maksatnama iki ýaş topary üçin niýetlenendir:
• Junior: 6–11 ýaş;
• Senior: 15–18 ýaş.
«Üstünlige barýan ýoluň» — marketingiň esaslary we 4P strategiýasy
Bilelik Hub marketingiň esaslaryna we 4P strategiýasyna bagyşlanan «Üstünlige barýan ýoluň» atly okuwyna çagyrýar.
Okuwlar oflaýn hem-de onlaýn görnüşlerde geçirilýär. Okuwyň dowamlylygy 4 hepde.
Sapaklary diplomly marketolog Mekan Jumamyradow alyp barýar.
«Özüňi beýan etmegiň çägi» teatr gurnagy
Bilim maksatnamasynyň ýene bir ugry «Özüňi beýan etmegiň çägi» atly teatr gurnagydyr.
Gurnak özüňe ynamy, aragatnaşyk endiklerini, dogry sözleýişi we döredijilikli pikirlenmäni ösdürmek maksady bilen döredildi.
Sapaklar aşakdaky toparlar üçin geçirilýär:
• çagalar topary: 6–12 ýaş;
• ýetginjekler topary: 12–16 ýaş;
• maşgala teatry.
Okuwlar duşenbe we çarşenbe günleri 17:30-dan 19:00-a çenli geçirilýär.
Bilelik Hub diňe bir giňişlik däl, eýsem pikirleriň döreýän, taslamalaryň başlanýan we hyzmatdaşlyk, döredijilik hem-de ösüş üçin täze mümkinçilikleriň açylýan jemgyýetidir.
Döredijilik merkezi telekeçileri, hünärmenleri, talyplary we döredijilik bilen meşgullanýan adamlary birleşdirýän döwrebap meýdança hökmünde ösmegini dowam etdirýär. Bu ýerde işlemek, okamak, tejribe alyşmak we täze taslamalary durmuşa geçirmek üçin ähli şertler döredilendir.
Merkezde open space iş meýdançasy, gepleşik otaglary, sungat studiýasy, okaýyş zolagy, maslahat zaly, sanly hyzmatlar we amatly dynç alyş ýerleri bolup, olar hünär hem-de şahsy ösüş üçin amatly gurşawy emele getirýär.
Goşmaça maglumat almak ýa-da intensiw okuwlara ýazylmak üçin: Telefon: +993 71 33 04 65
Salgysy: Ashgabat Mall söwda merkezi, C blogy, 1-nji gat (Bilelik Hub merkeziniň gapdaly).
