Toyota kompaniýasynyň Türkmenistandaky resmi dileri «Beýik Ýüpek Ýoly» HK Toyota Land Cruiser Prado 250 ulaglary üçin hyzmat kampaniýasyny yglan etdi
Toyota brendiniň Türkmenistandaky resmi dileri bolan «Beyik Yupek Yoly» hususy kärhanasy 2024–2025-nji ýyllarda öndürilen Toyota Land Cruiser Prado 250 kysymly awtoulaglar üçin ýörite hyzmat kampaniýasynyň başlandygyny habar berýär.
Bu başlangyç maglumatlary görkezmek ulgamlarynyň bökdençsiz işlemegini üpjün etmäge we öndüriji tarapyndan kesgitlenen ýokary howpsuzlyk standartlaryny saklamaga gönükdirilendir.
Meýilleşdirilen tehniki işler möhüm duýduryşlaryň, ýagny hereketlendirijiniň ýag basyşy, hereketlendirijiniň temperaturasy we akkumulýator batareýasynyň zarýad derejesi baradaky maglumatlaryň nädogry görkezilmeginiň öňüni almak maksady bilen, gurallar paneliniň programma üpjünçiligini täzelemegi göz öňünde tutýar.
Kampaniýanyň çäklerinde resmi diler merkeziniň hünärmenleri ähli zerur işleri, şol sanda programma üpjünçiligini täzelemegi ýa-da zerur bolan ýagdaýynda gurallar panelini çalyşmagy doly mugt ýerine ýetirerler.
Görkezilen ulaglaryň eýelerine awtoulagynyň kampaniýa degişlidigini tassyklamak üçin VIN-koduny hyzmat merkezine hödürlemek maslahat berilýär.
Müşderileriň amatlylygy we tiz hyzmat almagy üçin olar «BYY_AUTO» resmi mobil goşundysyndan peýdalanyp bilerler. Bu goşundy ulag barada maglumatlary hakyky wagt tertibinde barlamaga hem-de tehniki hyzmat üçin öňünden ýazylmaga mümkinçilik berýär.
Toyota kompaniýasynyň Türkmenistandaky resmi dileri bu hyzmat kampaniýasynyň möhletsiz geçirilýändigini belleýär. Şeýle-de bolsa, awtoulag eýelerini hyzmat merkezine baryp görmegi yza goýmazlyga çagyrýar. Wagtynda geçirilýän tehniki hyzmat ulagyň uzak möhletleýin, ygtybarly we howpsuz ulanylmagynyň möhüm kepilidir.
«Beyik Yupek Yoly» hususy kärhanasy müşderileriň bähbitlerine ygrarlydygyny tassyklaýar hem-de Toyota Land Cruiser Prado 250 awtoulaglarynyň kämil ýagdaýda saklanmagy üçin ýokary tehnologiýaly çözgütleri hödürlemegini dowam etdirýär.
Salgysy: Hoja Ahmed Ýasawy köçe, 39
Telefonlar:
76-10-42
76-10-32/33
