Türkmenistanyň erkin göreş boýunça ýetginjekler ýygyndysy Bakuda geçiriljek dünýä çempionatyna gatnaşar
Iýul 26, 2026 | 06:44 |2798
Türkmen türgenleri halkara ýaryşa taýýarlygyny tamamladylar.
27-nji iýuldan 2-nji awgusta çenli Azerbaýjanyň paýtagty Baku şäherinde 17 ýaşa çenli ýetginjekleriň arasynda erkin göreş boýunça dünýä çempionaty geçiriler.
Abraýly halkara ýaryşa Türkmenistanyň milli ýygyndysy hem gatnaşar. Topar dünýä çempionatynyň öňüsyrasynda taýýarlygyň jemleýji tapgyryny üstünlikli tamamlady.
Türkmenistanyň ýygyndysynyň düzümi:
• Nöker Guwanjow — 65 kilograma çenli agram derejesi;
• Mekan Hudaýberenow — 71 kilograma çenli agram derejesi;
• Şaapbas Esgerow — 80 kilograma çenli agram derejesi.
Dünýä çempionatyna gatnaşmak ýaş pälwanlara gymmatly halkara tejribesini toplamak, şeýle hem sport ussatlygyny has-da kämilleşdirmek üçin möhüm mümkinçilik bolar.
