Türkmenistanyň dalaşgärleri ýokary okuw mekdeplerine resminamalaryň kabul edilişini onlaýn yzarlap bilerler
Türkmenistanda dalaşgärlere ýokary okuw mekdeplerine kabul ediliş işiniň barşyny onlaýn yzarlamaga mümkinçilik berýän täze sanly hyzmat işe girizildi. dalasgar.bilim.tm portalynda resminamalaryň kabul edilişi barada iň soňky maglumatlar yzygiderli çap edilýär.
Platformada ýurdumyzyň 22 sany öňdebaryjy ýokary okuw mekdebi boýunça maglumatlar elýeterlidir. Her gün tabşyrylan arzalaryň sany täzelenýär, şeýle hem tassyklanan kabul ediş meýilnamalary we birinji ýyl talyplary üçin bölünip berlen orunlar baradaky maglumatlar ýerleşdirilýär.
Mundan başga-da, hyzmat bäş welaýat, Aşgabat şäheri we Arkadag şäheri boýunça statistikany yzarlamaga mümkinçilik berýär. Täze sanly çeşmäniň okuwa kabul ediliş işini dalaşgärler we olaryň ene-atalary üçin has açyk hem-de amatly etmegine garaşylýar.
