Demir ýol ulaglary orta hünär okuw mekdebi talyplary kabul edýändigini yglan edýär
Türkmenistanyň Demir ýol ulaglary ministrliginiň Aşgabat şäherindäki Demir ýol ulaglary orta hünär okuw mekdebi 2026/2027-nji okuw ýyly üçin aşakdaky hünärler boýunça talyplary kabul edýändigini yglan edýär.
Hünärleriň sanawy:
Demir ýol ulagynda awtomatika, telemehanika we aragatnaşyk;
Ulaglarda gatnawlary guramak we hereketi dolandyrmak;
Demir ýollarynyň gurluşygy, ýollar we ýol hojalygy;
Lokomotiw hojalygy;
Wagon hojalygy;
Energiýa hojalygy we elektrik üpjünçiligi;
Kompýuter ulgamlary we toplumlary;
Buhgalterçilik hasaba alnyşy we audit.
Okuwa kabul etmegiň şertleri we möhletleri
Demir ýol ulaglary orta hünär okuw mekdebine umumy orta bilimden pes bolmadyk binýatda bilimi bolan, ýaşy 35-den geçmedik Türkmenistanyň raýatlary giriş synaglarynyň netijeleri boýunça bäsleşik esasynda kabul edilýär.
Okuwyň möhleti: 2,5 ýyl.
Okuwyň görnüşi: tölegli esasda.
Resmi iş kagyzlaryny kabul etmek: Aşgabat şäherinde 2026-njy ýylyň 13-nji iýuly — 17-nji awgusty aralygynda amala aşyrylýar.
Resmi iş kagyzlarynyň sanawy
Okuwa girmäge isleg bildirýänler kabul ediş toparyna aşakdaky resminamalary tabşyrýarlar:
Bellenilen nusgada direktoryň adyna ýazylan arza;
Bellenilen nusgadaky sowalnama (anketa);
Bilimi baradaky resminamanyň asyl nusgasy;
Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy (dalaşgärler saglyk barlagyny Aşgabat şäherindäki 5-nji saglyk öýünde geçýärler);
Ýaşaýan ýeri boýunça neşekeşligiň, arakhorlugyň we ruhy keselleriň öňüni alyş merkezinden kepilnama;
Soňky okan ýerinden (işlän ýerinden, harby bölümden) häsiýetnama;
Bellenilen nusga boýunça okuw üçin tölegi öz wagtynda amal etmegiň kepil haty;
3x4 sm ölçegdäki sekiz sany fotosurat;
İşleýänler üçin zähmet depderçesiniň tassyklanan göçürmesi;
Okuw dersleri boýunça mekdep okuwçylarynyň döwlet bäsleşiginiň ýeňijileri, halkara bäsleşiklere gatnaşan Türkmenistanyň ýygyndy toparynyň agzalary şol ýagdaýlary tassyklaýan degişli resminamanyň asyl nusgasyny tabşyrýarlar.
Bulardan başga-da, dalaşgärler tarapyndan aşakdakylar şahsyň özi tarapyndan görkezilýär we nusgalary tabşyrylýar:
Pasporty;
Harby şahadatnamasy ýa-da harby hasaba goýlandygy hakynda şahadatnamasy.
Dalaşgär bäsleşiksiz we (ýa-da) okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary hem görkezip biler. Nädogry berlen maglumatlar we galp resmi iş kagyzlary üçin dalaşgär şahsy jogapkärçilik çekýär.
Giriş synaglarynyň geçiriliş tertibi
Giriş synaglary we okuwa kabul edilmek 2026-njy ýylyň awgust aýynyň 20-21-i, 23-i we 24-i günlerinde Türkmenistanyň Demir ýol ulaglary ministrliginiň Aşgabat şäherindäki demir ýol ulaglary orta hünär okuw mekdebinde geçirilýär.
Giriş synaglary geçirilýän dersler: fizika, matematika, Türkmenistanyň taryhy.
Geçiriliş formasy: Okuw dersleri boýunça giriş synaglary Türkmenistanyň orta mekdepleriniň okuw maksatnamalarynyň esasynda, döwlet dilinde dilden geçirilýär.
Giriş synaglarynyň tertibinde bellenen wagtda synaga esassyz sebäplere görä gelip bilmedikler ýa-da dersleriň biri boýunça synagdan geçip bilmedikler soňky synaglara goýberilmeýär.
Giriş synaglaryndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan «Bilim hakynda» Türkmenistanyň Kanunynyň rejelenen görnüşinde kesgitlenen düzgünlere laýyk gelýän dalaşgärler peýdalanýarlar.
Salgysy we habarlaşmak üçin:
Demir ýol ulaglary orta hünär okuw mekdebiniň salgysy:
Aşgabat şäheri, 2035-nji (Kemine) köçe, 84-nji jaý.
Habarlaşmak üçin telefon: 94-31-47.
