Brýusselde ÝUNISEF-niň «Generation 2050 in Central Asia» atly hasabatynyň tanyşdyrylyşy geçiriler
Ýewropa we Merkezi Aziýa ýurtlary boýunça ÝUNISEF-niň sebit edarasy Brýusselde «Generation 2050 in Central Asia» atly hasabatyň giň gerimli tanyşdyrylyşyny taýýarlanylýar. Bu möhüm halkara çäräniň geçirilmegi baradaky mesele Türkmenistanyň Belgiýadaky ilçisi Sapar Pälwanowyň ÝUNISEF-niň sebitleýin direktorynyň orunbasary Oktawian Biwol bilen geçiren duşuşygynyň esasy temasy boldy.
Türkmen diplomaty ÝUNISEF-niň taýýarlanýan hasabatynyň wagtynda taýýarlanýandygyny we ähmiýetlidigini belläp, Brýusseldäki çäräniň çäklerini giňeltmegi teklip etdi. Sapar Pälwanowyň pikirine görä, duşuşyk diňe bir seljerme maglumatlarynyň hödürlenmegi bilen çäklenmeli däl-de, Merkezi Aziýa döwletleriniň, Ýewropa Bileleşiginiň degişli edaralarynyň, halkara maliýe guramalarynyň we ösüş boýunça hyzmatdaşlaryň gatnaşmagynda ýokary derejeli syýasy dialog üçin mazmunly meýdança öwrülmelidir.
Şeýle görnüşdäki çemeleşme Merkezi Aziýa ýurtlaryna we Ýewropa gurluşlaryna nazaryýetden amaly işe geçmäge — adam maýasyna hakyky maýa goýumlaryny ara alyp maslahatlaşmaga we sebitleýin hyzmatdaşlygyny pugtalandyrmaga mümkinçilik berer.
Gepleşikleriň dowamynda ÝUNISEF-niň Sebitleýin edarasynyň başlygynyň orunbasary Oktawian Biwol Türkmenistanyň demografik aýratynlyklaryna aýratyn üns berdi. Häzirki wagtda ýurduň ilatynyň ýarysyndan gowragyny 30 ýaşa çenli bolan ýaşlar düzýär.
BMG-niň wekili bu görkezijini ýurduň iň gymmatly milli serişdeleri we tutuş sebitiň geljekki ösüşi üçin uly mümkinçilik hökmünde häsiýetlendirdi. Şu nukdaýnazardan taraplar ýaş nesliň saglygyna, bilim almagyna we durmuş goragyna yzygiderli maýa goýumlarynyň durnukly ykdysady ösüşi we döwletiň ýokary öndürijiligini üpjün etmekde uly ähmiýete eýedigini bellediler. Oktawian Biwol Türkmenistanyň oýlanyşykly we yzygiderli çemeleşmesine ýokary baha berdi hem-de ÝUNISEF-niň maksatnamalaryna berýän goldawy üçin minnetdarlyk bildirdi.
